34.8 C
Prizren
E shtunë, 20 Korrik, 2024

Gjashtë të arrestuar për trafik armësh nga Shqipëria drejt Kosovës

Gjashtë persona janë arrestuar pas një operacioni të Policisë së Shqipërisë kundër trafikimit të armëve të zjarrit dhe municioneve luftarake drejt Kosovës.

Në kuadër të operacionit policor të koduar “Rrugëtimi” të shtrirë në 3 qarqe, Kukës, Durrës dhe Dibër, bëhet e ditur se gjashtë shtetas u kapën në flagrancë, në ambientet e jashtme të një pike karburanti, me 1 armë zjarri automatik, 1 armë zjarri pistoletë tip “Glock”, sasi municioni luftarak, si dhe me shuma prej 222.000 lekësh dhe 710 eurosh, të cilat u sekuestruan në cilësinë e provës materiale.

Në operacionin e shtrirë në 3 qarqe, Kukës, Durrës dhe Dibër, ranë në prangat e policisë: Rr. S., 28 vjeç, banues në Dibër; B. SH., 24 vjeç, banues në Bulqizë; B. N., 33 vjeç, banues në Durrës; U. H., 27 vjeç, banues në Dibër; H. H., 59 vjeç, banues në Durrës, dhe K. B., 61 vjeç, banues në Fushë-Krujë.

Autoritetet e Policisë së Shtetit Shqiptar vijojnë hetimet për identifikimin dhe vënien para përgjegjësisë ligjore të personave të tjerë të implikuar në veprimtarinë kriminale të trafikimit të armëve të zjarrit drejt Kosovës.

Më Shumë

Ballkani eliminohet nga Liga e Kampionëve

Ballkani është eleminuar në turin e parë kualifikues të Champions League, pasi u mund nga Santa Colomën. Të besuarit e Ilir Dajës pasi fituan...

Përkujtohen dëshmorët e rënë në ‘Betejën e Rahovecit’

Sot janë përkujtuar dëshmorët Agim Çelaj, Sadik Shala, Afrim Krasniqi, Hamdi Berisha, Habib Berisha, Gani Paçarizi, Liman Gegaj, Ramadan Morina dhe Ruxhdi Gjyliqi,...

Lajmet e Fundit