Gjykata e Tiranës ka lënë në fuqi vendimin e marrë të premten për masën e sigurisë arrest me burg për dy të dyshuarit Ardian Fullani dhe Elivar Golemi. Mësohet se lënia në fuqi e vendimit të mëparshëm ka qenë kërkesë e prokurorit të çështjes.
Ndërsa avokatët mbrojtës të dy të pandehurve kanë kërkuar ndryshimin e masës se sigurisë, me pretendimin se ata nuk janë persona me rrëzikshmëri dhe nuk mund t’i shmangen hetimit të çështjes. Po ashtu avokatët kanë bërë të ditur se do të anikimojnë në Gjykatën e Apelit këtë vendim të Gjykates së Shkallës së Parë, transmeton abcnews.
Po me kërkesë të prokurorit Ramadan Troci, seanca është zhvilluar me dyer të mbyllura dhe është drejtuar nga Blerina Muca, e njëjta gjyqtare, që vendosi këtë masë sigurie për Guverantorin e Bankës dhe Inspektoren e Përgjithshme ditën e premte. Sipas prokurorisë, Ardian Fullani dhe Elivar Golemi akuzohen për “shpërdorim detyre” me mosveprim duke krijuar kushtet që të cenohet siguria e parave në administrim të Bankës së Shqipërisë.