Komiteti i Gjyqtarëve i UEFA-s ka përzgjedhur anglezin Mark Clattenburg si njeriun që do të vendosë drejtësi në finalen e Ligës së Kampionëve mes Realit dhe Atletico Madridit më 28 maj në San Siro.
Ai është gjyqtar i FIFA-s që nga viti 2007 dhe ka arbitruar finalen e meshkujve në Lojërat Olimpike “Londër 2012” dhe është përzgjedhur për Kampionatin Europian të Francës.
Po ashtu, ka gjykuar finalen e Superkupës së Europës 2014.
Këtë sezon, 41-vjeçari ka vendosur drejtësi në dy takime të Ligës së Europës dhe në gjashtë të Ligës së Kampionëve, përfshirë gjysmëfinalen mes Atletico Madrid dhe Bayern Munich.