Një figurë e frikshme që besohet të jetë fantazma e një gruaje është kapur në kamera në një varrezë historike bregdetare.
Mandy Stell, një pastruese nga Sunderland në Tyne dhe Wears, kishte udhëtuar me dy fëmijët e saj të rritur të shtunën, më 13 gusht në Tynemouth Priory në North Tyneside, ku vendosi të bënte foto të rrënojave.
Por vetëm pak më vonë, kur 45-vjeçarja u kthye në shtëpi dhe pa fotot e saj, tha se dalloi një figurë fantazmë të një gruaje me veshje të modës së vjetër që qëndronte pas një familjeje.
Në foto, një grua duket se qëndron pranë shkëmbit në varreza e veshur me një pallto të gjatë dhe kapelë.
Steel pohoi se nuk e pa gruan kur bëri fotot.
Ajo tha gjithashtu se e bëri foton rreth orës 13:00 dhe po shikonte drejt plazhit South Shields në atë kohë, ku dukshmëria ishte e mirë.
Steel shtoi: “Është vërtet e çuditshme sepse vajza ime po fotografonte të njëjtin vend në të njëjtën kohë, por telefoni i saj nuk kapi asgjë. Kam kontrolluar fotot e mia të plota për të parë nëse dikush ishte i veshur kështu, por askush nuk kishte kapele. Plus, të gjithë kishin veshur rroba verore. Unë thjesht nuk e di kush ose çfarë ishte kjo”, transmeton Klankosova.tv.