Hajnat kanë arritur të vjedhin të gjitha stolitë në një shtëpi në rrugën “Haxhi Krasniqi” në Prizren.
Ata kanë depërtuar me forcë brenda shtëpisë, duke e thyer derën dhe më pas kanë demoluar dhomat, prej ku kanë arritur që të vjedhin rreth pesë kilogramë stoli të argjendit.
Bazuar në dëshminë e pronares që ka denoncuar rastin në Polici, vjedhja mund të jetë kryer në muajt e fundit, pasi askush nuk ka banuar aty që prej fillimit të këtij viti.
Njësitë policore kanë dalë në vendin e ngjarjes, ku kanë kryer ekzaminimet e nevojshme që ndihmojnë në zbardhjen e rrethanave të rastit dhe identifikimin e personave të dyshuar.
Me urdhër të prokurorit, rasti është iniciuar ‘Vjedhje e rëndë’, ndërsa veprimet tjera ligjore do merren posa të kapen të dyshuarit.