Konkursi pranimin e studentëve të rinj në Universitetin e Prishtinës “Hasan Prishtina”, për vitin akademik 2013-14, pritet që të shpallet sot.
Sipas analizave të bëra nga njësitë akademike, Universiteti i Prishtinës do të pranojë rreth 12 mijë studentë. Ndërkohë, konkursi do të jetë i hapur deri më 23 korrik.
Ardian Kastrati, këshilltar i rektorit Ibrahim Gashi, tha se më 26 dhe 27 do të mbahen provimet pranuese, kurse me 30 korrik shpallja e rezultateve.
Sipas tij, gjatë këtij viti pritet të rritet numri i studentëve në ato fakultete ku vitet e kaluara ka pasur më shumë interesim, siç janë: Edukimi, Ekonomiku, Juridiku dhe Mjekësia. Ai tha se kjo rritje e numrit varet edhe nga vendimi zyrtar i Ministrisë së Arsimit.