Kryetari i AAK-së, Ramush Haradinaj ka emëruar Smajl Latifin për kryetar të Komunës së Rahovecit. Emërimi i Latifit është bërë në shënimin e 12-vjetorit të themelimit të Degës së AAK-së në këtë qytet.
Kryetari Haradinaj ka lavdëruar punën e Latifit, gjatë luftës, pasluftës, por edhe si kryetar i Komuns së Rahovecit.
“Smajl Latifi në mandatin e ardhshëm do të qeverisë edhe më mirë, sepse ai tash e dy vjet e gjysmë e ka mësuar më mirë se çka është qeverisja, i di temat me të cilat duhet të merret. Rahoveci ka nevojë dhe mundësi të zhvillohet edhe më shumë dhe më mirë sepse e meriton”, tha Haradinaj.
Latifi, ndërkaq tha se gjatë qeverisjes ka bërë punë të mëdha në Rahovec. “Përveç punës ne gjatë këtij mandati kemi arritur t’ia kthejmë besimin qytetarëve në isntitucione“, tha Latifi. /PrizrenPress.com/