Në mbledhjen e sotme të Kuvendit të Prizrenit, në mes tjerash, kuvendari i LDK-së, Haziz Hodaj, ka folur rreth temës që kishte të bënte me vonesën e realizimit të projektit për ndërtimin e shkollës në fshatin Gjonaj. Ai iu drejtua drejtorit të arsimit, Nexhat Çoçaj, se nuk është e vërtetë që Haziz Hodaj, ka organizuar protesta 7 mujore të cilat kanë ndikuar që të vonohet realizimi i projektit, duke i’a përmendur emrin kuvendarit Hodaj si një nga shkaktarët e vonesës së projektit, e që një gjë e tillë është publikuar në portalin e Televizionit të Prizrenit dhe në edicionet informative.
Kuvendari Hodaj, kishte akuzuar pushtetin lokal për papërgjegjësi ndaj qytetarëve e posaçërisht fëmijëve të lokalitetit më të madh në Has.
Në anën tjetër, drejtori Çoçaj, para kuvendarëve sërish është justifikuar për vonesën e projektit, por tha publikisht se nuk i’a ka përmendur emrin “zotëri Hodajt”, në intervistën e zhvilluar për Televizionin e Prizrenit , duke thënë se një gjë e tillë mund të është nxjerrë nga konteksti.
Me poshtë ju sjellim deklaratën e sotme të drejtorit Çoçaj, si dhe intervistën me të ditën e martë, kur është trajtuar tema në fjalë. /TV Prizreni/