Kryetari i Gjykatës Themelore të Prizrenit, Ymer Hoxha, priti në takim pune Komandantin e Policisë Rajonale të Prizrenit dhe Kryeprokurorin e Prokurorisë Themelore të Prizrenit dhe bashkëpunëtorët e tij.
“Në këtë takim pune u bisedua rrethe bashkëpunimit të mirë institucional, por në veçanti u bisedua edhe për sfidat me të cilat ballafaqohemi”, njofton Afërdita Kicaj, zëdhënëse e Gjykatës Themelore në Prizren.
“Rëndësi të veçantë këtij takimi iu dha edhe zbatimi i Urdhër- arresteve si dhe letër- rreshtimeve të lëshuara nga Gjykata me qëllim të ekzekutimit të Aktgjykimeve të plotfuqishme. Përveç kësaj si sfidë tjetër është edhe mungesa e Prokurorëve nëpër seanca, e të cilat po ndikojnë shumë në punën tonë”.
“Z. Hoxha falënderoj të gjithë pjesëmarrësit për këtë takim dhe potencuan se takimet e këtij lloji janë të dobishme dhe ndikojnë në rritjen e efikasitetit, nivelit të përgjegjësisë , dhe janë të dobishme të mbahen më shpesh”. /PrizrenPress.com/