Rreth 288 punëtorë të Administratës së Komunës së Prizrenit, nga ky muaj, do ta marrin pagën me rritje.
Ngritja e koeficientit të pagës është bërë pas një angazhimi të drejtorit të Administratës, Osman Hajdari.
“Pas një pune dhe përpjekje disa mujore, të gjithë punëtorët e Administratës, nga ky muaj kanë realizuar pagat me rritje”, ka thënë Hajdari.
“Falënderoj të gjithë ata që kanë kontribuar në realizimin e këtij qëllimi. Ky ishte një nga premtimet e para për punëtoret e Administratës”.
Kryetari i Prizrenit, Mytaher Haskuka, ndërkohë ka uruar punëtorët e Administratës për rritjen e koeficientit të pagës .
“Ky vit do të jetë vit i sfidave dhe i sukseseve, prandaj i urova të gjithë për punë dhe përkushtim në shërbim të qytetarëve”, ka thënë Haskuka ./PrizrenPress.com/