Drejtoria e Inspektorateve ka bërë inspektimin e njërit nga katër prodhuesit e produkteve të pemëve dhe perimeve në komunën e Prizrenit, të cilët me përpunimin e tyre përfitojnë produkte finale si perime të pasterizuara, ajvar, pure domatesh, reçel etj, raporton PrizrenPress.
I pranishëm ishte edhe drejtori i Inspektoratit, Edon Muçaj.
Sipas njoftimit, gjatë inspektimit u kërkuan dokumentacione për prejardhjen e lëndëve të para, kurse për ato të importuara u kërkuan certifikatat fito-sanitare.
“Për produktet finale, përveç analizave në laboratoret interne, u kërkuan dhe u dokumentuan edhe analizat fiziko-kimike dhe mikrobiologjike të kryera nga organet kompetente, ku prodhuesi në fjalë ishte i pajisur me dokumentet e nevojshme”, thuhet në njoftim.
Kjo komunë ka bërë me dije se inspektimet e ngjashme do të vazhdojnë edhe gjatë ditëve të ardhshme./PrizrenPress.com/
