Ish komandanti i UÇK-së (Ushtria Çlirimtare Kombëtare) Agim Krasniqi sërish është bërë aktual.
Pas pesë vitesh në burg për vepra të shumta penale, ai gjatë ditës së djeshme në burgun e “Idrizovës”, ka therur me thikë një të burgosur tjetër për hakmarrje.
I ndihmuar nga tre përkrahësit e tij, Krasniqi ka sulmuar një të burgosur tjetër në oborrin e burgut të “Idrizovës”, njofton Alfa.
Ai e ka therur me thikë në këmbë, më pas i plagosuri është transferuar në spitalin e Shkupit . Krasniqi dhe shokët e tij pas këtij akti janë vendosur të vetëm në qeli, kurse autoritetet e burgut janë duke hetuar rastin, informon Almakos.
Drejtor i burgut të “Idrizovës”, për televizionin Alfa ka shpjeguar se motivi i Agim Krasniqit për ta është i njohur. Pra Krasniqi e ka therur të burgosurin tjetër, sepse ai ka dëshmuar kundër tij në njërin prej gjyqeve të zhvilluara kundër Krasniqit.
Drejtori i burgut të “Idrizovës”, kujton se Krasniqi do të qëndroj për një kohë të gjatë te ata, për shkak të dënimeve të ndryshme, duhet të vuaj 15 vite burg.