Ish-kryetari i Komunës së Prizrenit, Mytaher Haskuka, ka dhënë sot betimin si deputet i Kuvendit të Kosovës.
Lajmin e ka bërë të ditur vetë Haskuka përmes një postimi në rrjetin social Facebook, ku ka rikujtuar edhe mandatin e tij të mëparshëm si deputet në vitet 2014 dhe 2017.
“Pas betimit si deputet në vitet 2014 dhe 2017, kur si deputet i Lëvizja VETËVENDOSJE! në opozitë patëm ndaluar marrëveshje të dëmshme për Kosovën, tani për herë të parë u betova si deputet i shumicës për të punuar me nder, përkushtim dhe dinjitet për dinjitet, zhvillim, siguri dhe begati për të gjithë qytetarët e Kosovës”, ka shkruar Haskuka.
Ai premton se në këtë mandat do të angazhohet në kuadër të shumicës parlamentare, duke e cilësuar këtë si një përgjegjësi të re në shërbim të qytetarëve dhe zhvillimit të vendit.
Mytaher Haskuka më herët ka shërbyer si deputet i Kuvendit të Kosovës dhe si kryetar i Komunës së Prizrenit./PrizrenPress.com/
Banesat më të kërkuara në Prizren – Bëhu pronar në Foleja Residence!
Kompleksi ‘Newco Elan’ ofron banesa të ëndrrave tuaja në zemër të Prizrenit
‘Toni Residence’ – Mos e humb rastin për të blerë banesën tënde në Prizren
Hapësira me qira në objektet e reja te ‘RENELUAL TAHIRI’ në Prizren
