Drejtori Ekzekutiv i Odës së Avokatëve të Kosovës, Besim Curri ka dhënë dorëheqje nga kjo pozitë.
Kjo është bërë e ditur nga Oda e Avokatëve të Kosovës përmes një njoftimi për media.
Deri te dorëheqja ka ardhur si rezultat i raportimeve që janë bërë në media lidhur me shkeljet që ka bërë Curri.
“Oda e Avokatëve të Kosovës, pas publikimit të emisionit “Betimi për Drejtësi” të shtunën me datë 11.03.2023 në KTV, njofton të gjithë avokatët dhe publikun e gjerë si dhe bënë me dije se:
Bazuar në pretendimet e dhëna në këtë emision, sot në mëngjes Kryetari i Odës së Avokatëve të Kosovës, z. Behar Ejupi me tu paraqitur në zyrat e OAK-së, ka ftuar në takim Drejtorin Ekzekutiv, nga i cili ka kuptuar se i njëjti ka ofruar dorëheqjen e tij”, thuhet në njoftim.
Oda e Avokatëve të Kosovës, ka siguruar të gjithë anëtarësinë e saj dhe opinionin e gjerë se do të jetë në shërbim të të gjithëve pa dallim, gjithmonë duke respektuar ligjet në fuqi, dhe do të mbështes profesionit e avokatit në kuadër të misionit të saj, kushtetues dhe ligjor.
Ndryshe ekipi i emisionit “Betimi për Drejtësi” ka hulumtuar veprimtarinë e Currit për të dëshmuar nëse qëndrojnë pretendimet e palëve se po i përfaqëson dhe po ju ofron ndihmë juridike palëve në kundërshtim me ligjin. /Telegrafi/
Asociation “Loyola–Gymnasium” shpall konkurs për regjistrimin e nxënësve të rinj