16 C
Prizren
E enjte, 3 Korrik, 2025

Jacobson porosit: Nëse shihni diçka, thoni diçka

Jacobson-ambasadore amerikaneAmbasadorja e SHBA-ve, Tracey Jacobson, gjatë takimit me përfaqësuesit e Rrjetit Evropian të Organizatave për Vëzhgimin e Zgjedhjeve (ENEMO) për të diskutuar përpjekjet ndërkombëtare për vëzhgimin e zgjedhjeve të 1 dhjetorit në Kosovë, ka bërë me dije se janë duke shikuar nga afër dhe presin që përmirësimet e arritura në rrethin e parë të zgjedhjeve të ruhen. “Nëse më 1 dhjetor procesi do të ketë defekte apo mashtrime, përparimi i bërë në rrethin e parë të zgjedhjeve të nëntorit do të bëhet i pakuptimtë”, ka thënë Jacobson.

“Më vjen mirë që ambasada e SHBA-ve po u bashkohet organizatave tjera ndërkombëtare si ENEMO-ja në vendosjen e vëzhguesve në vendvotime nëpër tërë Kosovën më 1 dhjetor”, ka thënë Jacobson.

Ambasadorja u ka bërë thirrje gjithë qytetarëve të Kosovës që të vazhdojnë të raportojnë tek autoritetet e Kosovës çfarëdo problemi që ata shohin.

“Në zgjedhjet e nëntorit qytetarët bënë më shumë ankesa se kurdoherë më parë dhe ne presim nga policia e Kosovës dhe prokurorët të vazhdojnë përkushtimin e tyre për hetimin dhe ndjekjen e mashtrimeve të paraqitura. Qytetarët e Kosovës janë ata që janë më së miri të pozicionuar për të raportuar çfarëdo problemi apo parregullsie që ata e vërejnë – dhe ne inkurajojmë të gjithë qytetarët: nëse shihni diçka, thoni diçka”, ka porositur ambasadorja Jacobson.

Më Shumë

Kastrati: Viti 2026 do të jetë vit i përkushtimit për urbanizimin e fshatrave

Kryetari i Komunës së Malishevës, Ekrem Kastrati, ka marrë pjesë në dëgjimet publike në vendbanime për hartimin e buxhetit për vitin 2026. Ai ka theksuar...

‘DokuFest’ prezanton projektet e përzgjedhura për Forumin e Filmave të Shkurtër

DokuFest ka kënaqësinë të shpallë projektet e përzgjedhura për edicionin e parë të Forumit të Filmit të Shkurtër, një platformë rajonale për bashkë krijim...

Lajmet e Fundit