Kryetari i Komisionit për Arsim në Prizren nga radhët e LDK-së, Osman Jahaj ka akuzuar të mërkurën kryeministrin e Kosovës, Hashim Thaçin për moslëshimin e pagave të arsimtarëve. Ai tha se arsimtarët në Prizren ende nuk i kanë marrë pagat, edhe pse kanë kaluar katër ditë të mujt shtator.
“Sot në ditën e katërt të muajit shtator, mësimdhënësit nuk i kanë marr pagat, ndërsa kryeministri i Kosovës dhe qeveria aktuale në vend se të shqetësohen për vonesën e pagave, ata me parat e taksapaguesve grumbullojnë arsimtarët në një vend, duke ua kërkuara atyre hapur votën në emër të qeverisë për PDK-në”, tha Jahaj.
Sipas tij, takimi i Kryeministrit më mësimdhënësit e Prizrenit, më shumë ka qenë një takim i liderit të PDK-së. “Ai po vazhdon fushatën ende pa filluar afati zyrtar”, tha Jahaj.
Sipas tij, me këtë shembull Hashim Thaçi dhe e gjithë qeveria po japin sinjale të fuqishme se fushatën e PDK-së, do ta zhvillojnë me mjete të taksapaguesve dhe me gjithë logjistikën e qeverisë.
“Si në rastet e mëparshme edhe këtë me këtë rast kjo qeveri dëshmon se vepron në kundërshtim me procedurat e shpenzimit të buxhetit, duke e shndërruar paranë publike në instrument të partisë shtet”, tha Jahaj. Ai ftoi organet e drejtësisë, që të hetojë mënyrën e pagesës së darkës së arsimtarëve. “Darkat e ngjashme buxhetit të komunës i kushtojnë rreth 20 mijë euro”, tha Jahaj./PrizrenPress.com/