Për një kohë të gjatë banorët diskutojnë për buxhetin e Javës. Jona në një moment shkëputet prej tyre dhe shkon në dhomën e gjumit. Valeri e vë re mungesën e saj dhe ndërkohë shkon pas saj. Ai e sheh se jona është e mërzitur dhe qan. Valeri ulet pranë saj dhe nis të bisedojë me të duke u munduar që ta qetësojë.
Ata diskutojnë për spektaklin e kaluar dhe Jona i thotë Valerit se duke u nisur edhe nga kritikat që ka marrë nga Opinionisti dy javët e fundit, mendon se sjellja e saj nuk ka qenë e pëlqyer nga jashtë. “Unë premtova se do t’i bëja krenarë familjen time, por kam frikë se i kam zhgënjyer” thotë Jona.
Valeri i thotë se ajo nuk ka pse të mendojë gjëra të tilla dhe se ajo brena shtëpisë është sjellë shumë mirë. “Ti me gjithçka që ke bërë, ke treguar që ke forcë karakteri dhe familja jote është krenare për këtë gjë, që kanë një vajzë si ti” i thotë Valeri Jonës. Ai më pas i thotë se edhe misionarët e paqes kanë marrë kritika dhe në këtë pikë, kritikat duhet marrë si pozitive dhe si forcë për të ecur përpara.
Jona thotë se pavarësisht atyre që ka kaluar dhe faktit se brenda shtëpisë është munduar të tregojë një karakter të fortë dhe ka fshehur lotët, nga banorët, ajo është njeri dhe preket edhe nga gjërat e vogla. Jona i thotë Valerit se e ka marrë malli shumë për familjen dhe qan për një kohë të gjatë.