Kampioni i Seria A, Juventus nuk planifikon ta shesë mesfushorin Paul Pogba, gjatë afatit kalimtar të verës.
Bianconerët kanë siguruar titullin e pestë të njëpasnjëshëm në Serie A dhe kryesia e klubit ka filluar planifikimin e fushatës së përforcimeve për sezonin e ardhshëm.
Por, shitja e Pogbas nuk është nën konsideratë.
Reprezentuesi francez ka kontratë me Juventusin deri më 2019 por drejtori i përgjithshëm i klubit, Giuseppe Marotta ka insistuar se Pogba nuk do të jetë në shitje.
“Ne kemi marrë një vendim të qartë për Pogban vitin e kaluar”, deklaroi Marotta për RAI.
Pogba iu bashkua Juventusit si futbollist i lirë nga Manchester United më 2012 dhe ka bërë 175 paraqitje për gjigantin torinez.
Ai spekulohet se kërkohet nga Barcelona e Real Madrid në La Ligë dhe Paris Saint-Germain në Ligue 1.