16.8 C
Prizren
E enjte, 28 Mars, 2024

Juventus, kurrë më keq në dekadën e fundit

Pas 24 javësh kampionat në Serie A, Juventus është 10 pikë larg nga kryesuesit e Interit, por sigurisht ka edhe një ndeshje për të rikuperuar që mund ta zbresë diferencën në -7.

Që bardhezinjtë, kampionët e nëntë sezoneve të fundit, të rikuperojnë në javët e mbetura këtë diferencë, po bëhet gjithnjë e më e vështirë, pas ndalesës së fundit në Verona.

Por që tifozëve t’u rikthehet besimi te skuadra e Pirlos duhet seri e gjatë fitoresh për të rikthyer shpresat e titullit të 10-të radhazi. Për ta arritur këtë duhet të injorojnë edhe statistikat, të cilat pas 23 ndeshjeve, në 9 sezonet e fundit që janë shpallur kampionë, nuk i kanë gjetur kurrë në kuotën e 46 pikëve.

Më keq se kaq Juventus nuk ka qenë asnjëherë në dekadën e fundit. Në sezonin 2011-2012, Zonja e Vjetër kishte 49 pikë, por ishte e para. Për të krahasuar ecurinë jo të mirë të sezonit aktual, mafton të themi dy fakte: Në sezonin 2015-2016, ku ndodhej në vendin e dytë, pati 51 pikë.

Në të njëjtin pozicion në sezonin 2017-2018, Juventus kishte plot 59 pikë. Rekordi pas 23 javësh për bardhezinjtë është në sezonin 2018-2019 drejtuar nga Allegri, ku u grumbulluan 63 pikë, e thënë ndryshe, u lanë vetëm 6 pikë nga maksimumi. Megjithatë, janë edhe 15 ndeshje deri në fund, të shohim a do të arrijë Juventus të shpallet kampion.

Më Shumë

Vetaksidentohet një kamion, rruga Carralevë-Duhël e bllokuar

Një person është lënduar në një vetaksident të shkaktuar mëngjesin e sotëm në rrugën Carralevë-Duhël. Lajmin e ka konfirmuar Shaqir Bytyqi, zëdhënësi për media...

Gjini lirohet nga detyra e ushtruesit të detyrës së shefit të repartit të Gjinekologjisë në Prizren

Spitali i Përgjithshëm “Prim.Dr. Daut Mustafa”, në Prizren, ka liruar gjinekologun Sebajdin Gjini nga pozita e ushtruesit të detyrës së shefit të repartit të...

Dhimbja

Lajmet e Fundit