Juventus është në kërkim të një sulmuesi që do ta pranonte stolin.
Zgjedhja e parë për formacionin e Massimiliano Allegri-t është Dusan Vlahovic, por duhet një zëvendësues për të.
Sipas “Cope.es”, mes shumë emrave për sulmuesin e dytë, është dhe ai i Enes Unal-it nga Getafe. Ai ndiqet gjithashtu edhe nga Fiorentina.
Megjithatë, skuadra nga kryeqyteti spanjoll kërkon 25 milionë për ta lënë të lirë.
Një shifër që për “Zonjën e Vjetër” konsiderohet e lartë për një zëvendësues.
Ish-lojtari i Villarreal, Levante dhe Real Valladolid ka karakteristika të ngjashme me Vlahovic-in.
Ai është i fortë fizikisht dhe mjaft i mirë nga pikëpamja teknike.
Sezonin e fundit në La Liga turku e mbylli me 16 gola dhe një asist në 37 paraqitje. /Albanianpost.com