Ramadan Muja ka dalur fitues në të gjitha zgjedhjet për postin e kryetarit të Prizrenit. Pas fitorev në 2007 e 2009, Muja ka përsëritur suksesin edhe këtë vit, por kësaj here në saje të një mbështetje të madhe të spektrit të gjërë të partive minoritare , por edhe të koalicionit AAK-LDD.
Kryetari i KDTP-së, Mahir Yagcilar thotë ndërkaq se partitë e komuniteteve nuk kanë mundësi që të triumfojnë në zgjedhje t për kryetar të komunës, porse ato mund të përcaktojnë fituesin.
“Ne si parti nuk kemi fuqi të fitojmë postin e kryetarit, por kemi fuqi mjaft që të mbëshesim kandidatin e përbashkët” thotë Yagcilar.
Lulëzim Kabashi nga koalicioni AAK-LDD, pranon se çelësi i suksesit të Mujës ka qenë përfshirja e strukturave të ndrsyhme të shoqërisë të përfshira në koalicionin parazgjedhor.
Sipas tij, faktor determinues ka qenë edhe kandidimi i Eqrem Kryeziut nga LDK-ja.”Cilido kandidat tjetër i LDK-së do të ishte më serioz në garë se sa Eqrem Kryeziu”, thotë Kabashi./Koha Ditore/