Kandidati i koalicionit AAK-LDD për kryetar të Prizrenit Lulzim Kabashi i shoqëruar nga bashkëpunëtorët e tij dhe disa nga kandidatët për Asamblenë Komunale, është takuar me udhëheqësit e Shoqatës “AKEA”
Kabashi i njoftoi ata me ofertën e tij, për qeverisjen e Prizrenit, e cila synim kryesor ka zhvillimin ekonomik, gjegjësisht funksionalizimin e zonave industriale, investimet në bujqësi, turizëm dhe ndërtim, dhe përmes këtij zhvillimi të hapen vende të reja të punës në mënyrë që gjatë mandatit të ardhshëm katër vjeçar secila familje të ketë së paku një anëtar të punësuar.
Ndërkaq, udhëheqës të AKEA-s, dhanë një historik të shkurtër të themelimit dhe aktivitetit të kësaj shoqate kryesisht në kulturë, arsim si dhe aktivitete e trajnime të tjera, kurse sa i përket platformës zgjedhore të Kabashit, ata thanë se oferta është shumë e qartë duke theksuar se shoqëria civile duhet të shihet si ndërmjetës mes pushtetit dhe popullatës./PrizrenPress.com/