Kandidati i koalicionit AAK-LDD për kryetar të Prizrenit Lulzim Kabashi me bashkëpunëtorë të tij është takuar me drejtues të Shoqatës Humanitare “ Hader “.
Ai premtoi se në qeverisjen e ardhshme Komunës së Prizrenit që do të udhëhiqet nga koalicioni dhe ai si kryetar do të ketë vëmendje shumë të madhe për personat me ngecje në zhvillim mendor.
Ndër kërkesat e drejtuesve të shoqatës ” Hader ” , ishte rritja e stafit edhe për katër punëtorë. Kryetarja e kësaj shoqate Resmie Krasniqi, njoftoi Kabashin se aktualisht në këtë shoqatë trajtohen dhe jetojnë dymbëdhjetë persona me aftësi të kufizuara mendore që kanë ngelur pa prindër, ndërsa numri i përgjithshëm i anëtarëve të regjistruar në këtë shoqatë ka arritur shifrën në 205.
“Krejt aktiviteti që bëhet në këtë qendër, realizohet në saje të punës vullnetare”, tha ajo. /PrizrenPress.com/