Kryetari i PDK-së, Kadri Veseli, së bashku me kandidatin për kryetar komune, njëherit kryetarin e ardhshëm të Prizrenit, z.Shaqir Totaj, gjatë ditës së djeshme vizituan njërën ndër lagjet më të mëdha në Prizren, “Ortakollin”, e cila lagje e rikonfirmoi fuqishëm që do të jetë bastion i pakontestueshëm i Partisë Demokatike të Kosovës, në Prizren.
Kryetari Veseli, para të pranishmëve potencoi se garancia e fitores së PDK-së dhe kryetarit Shaqir Totaj, do të jetë Ortakolli, duke e përkrahur fuqishëm numrin 94, në zgjdhjet e 22 tetorit. Gjithashtu edhe z.Totaj paraqiti disa pika të platformës fituese, e cila është mundësia më e mirë, e zhvillimit ekonomik dhe e rritjes së mirëqenies së qytetarëve.
Numri i madh i simpatizantëve dhe qytetarëve të pranishëm të “Ortakollit” është tregues i qartë që PDK-ja do të jetë forcë e pakonkurrente në Prizren, duke u rikonfirmuar si forcë e parë politike. PDK-ja në Prizren hyn në zgjedhjet e 22 tetorit, pas 7 palë zgjedhjeve të njëpasnjëshme të fituara, si në nivelin lokal edhe në atë qëndror dhe kështu që më 22 tetor do të ketë triumfin më të madh të saj.