Dy persona të gjinisë mashkullore janë arrestuar dje në Stacionin e Autobusëve të Suharekës, shkruan PrizrenPress.
Në raportin 24 orësh të Policisë thuhet se gjatë kontrollit tek njëri nga të dyshuarit është gjetur dhe konfiskuar substancë e dyshuar narkotike e llojit marihuanë me peshë prej 1.59 gramë.
“Me urdhër të prokurorit është bërë bastisja e shtëpisë së të dyshuarit tjetër ku gjatë kontrollit në veturën e tij VW Golf është gjetur dhe konfiskuar edhe 6.74 gramë substancë e dyshuar narkotike e llojit marihuanë”, njofton PK-ja.
Me urdhër të prokurorit njëri nga të dyshuarit është dërguar në mbajtje ndërsa i dyshuari tjetër është liruar. /PrizrenPress.com/