MAShT-i njofton se ka identifikuar dy raste të shpërndarjes së testit të maturës në dy komuna kosovare.
Azem Guri nga MAShT-i ka thënë për KALLXO.com se janë identifikuar dy raste të shpërndarjes së testit, një në Gjakovë e tjetri në Prizren dhe janë nxjerrë nga provimi i maturës.
Në Gjakovë rasti ka ndodhur në shkollën “Hajdar Dushi”, ndërsa në Prizren në shkollën ekonomike.
Testet e dy të identifikuarve janë anuluar. Ekipet i KALLXO.com janë në vendin e ngjarjes dhe do të sjellin informata më të reja se çfarë ka ndodhur me këto dy raste.