Aleanca për Ardhmërinë e Kosovës(AAK) në Prizren, nuk ka ndonjë qëndrim rreth dënimit të kryetarit të Komunës, Ramadan Muja. Kryetari i Degës së AAK-së, Fatmir Kastrati thotë se AAK-ja nuk përzihet në punën e kryetarit Muja.
“Ne nuk përzihemi në punën e Mujës. Është çështje individuale e tij se si reflekton”, thotë Kastrati për “PrizrenPress”.
Koalicioni AAK-LDD,pas zgjedhjeve të fundit lokale, bashkëqeverisin me PDK-në në Prizren.Ky koalicion në balotazhin e 1 dhjetorit të vitit të kaluar ka mbështetur kandidatin e PDK-së, Ramadan Muja.
Kastrati tregon se përkundër zhvillimeve të fundit koalicioni AAK-LDD me PDK-në është stabil.
“Ne jemi në koalicion me PDK-në dhe bashkëqeverisja në Ekzekutiv është duke shkuar mirë”, thotë Kastrati./PrizrenPress.com/