Këshilli Drejtues (KD) i Universitetit të Prishtinës “Hasan Prishtina”, do të mblidhet nesër (e martë) për ta shqyrtuar vendimin e ministrit të Arsimit, Ramë Buja për pranimin e rreth njëmijë studentëve, të cilët vijnë nga kategoritë e dala nga lufta: familjet e dëshmorëve, veteranëve e invalidëve.
Lajmin e ka konfirmuar për “Epokën e re”, kryesuesja e KD-së, Shefkije Islamaj. “Mbledhja është thirrur për të martën, në orën 16:00”, ka thënë Ismalaj.
Ndërkohë, rektori i UP-së, Ramadan Zejnullahu ka theksuar se në rast se KD-ja e përkrahë vendimin e ministrit Buja, ai do të japë dorëheqje.
Zejnullahu këtë qëndrim e ka përsëritur edhe të hënën pas një takimi që ka pasur me studentët me rasatin e shënimit të 17 Nëntorit – Ditës Ndërkombëtare të Studentëve.