Instituti Demokratik i Kosovës (KDI) përmes një konference për medie, ka publikuar “Transparometrin Komunal” i cili përbën në vete një mekanizëm të matjes dhe krahasimit të transparencës në gjashtë komunat e regjionit të Prizrenit (Prizren, Suharekë, Rahovec, Malishevë, Dragash dhe Mamushë).
Naim Cahani zyrtar i KDI-s gjatë konferencës prezantoi metodologjinë ka tha se “matja e transparencës së komunave është realizuar përmes një indeksi i cili ngërthen në vete 44 indikatorë matës të transparencës komunale dhe është i bazuar në katër shtyllat e vlerësimit: transparenca në zyrën e Kryetari/es, Kuvendin e Komunës, financat komunale si dhe transparencën në konsultim me publikun dhe secila nga katër shtyllat përmban nga 11 indikatorë”.Në bazë të gjeturave të këtij indeksi, të matur për periudhën gjashtë mujore (korrik-dhjetor 2015), komuna e Suharekës del të jetë komuna më transparente nga gjashtë komunat e regjionit me 61.4 %, përcjellur nga komuna e Prizrenit me 54.3 %, komuna e Rahovecit me 50 %, komuna e Malishevës 50 %, komuna e Dragashit 42 % dhe komuna e Mamushës me 27.9 %, të vlerësimit të përgjithshëm.
Duke vazhduar me prezantimet tjera tha “në zyrën e Kryetari/es performancë më të mirë ka treguar Komuna e Suharekës me 20.0 pikë nga 35.0 pikë sa është maksimumi i vlerësimit e pasuar nga komuna e Rahovecit me 17.0 pikë, Komuna e Prizrenit me 15.0 pikë, Komuna e Malishevës me 14.0 pikë, Komuna e Dragashit me 10.0 pikë dhe Komuna e Mamushës me 6.0 pikë”.Komuna e Suharekës ka arritur që të tregojë rezultate pozitive edhe në shtyllën e Kuvendit të Komunës , duke marrë gjithsejtë 25.0 pikë nga 35 sa është maksimalja, përcjellur nga ajo e Prizrenit me 20.0 pikë, Malishevës me 19.0 pikë, Dragashit me 18.0 pikë, Rahovecit me 17.0 pikë dhe e fundit komuna e Mamushës me 16.0 pikë.Në shtyllën e transparencës financiare në periudhën korrik-dhjetor 2015, performancë më të mirë ka arritur të tregojë Komuna e Suharekës duke mbledhur 23.0 pikë, Komuna e Prizrenit me 21.0 pikë, Komuna e Rahovecit me 19.0 pikë, Komuna Malishevës dhe Dragashit me nga 14.0 pikë si dhe Komunën e Mamushës me vetëm 10.0 pikë nga 35 pikët e mundshme.Në shtyllën e transparencës në konsultimet me publikun perfomancë më e mirë kishte Komuna e Malishevës e cila është vlerësaur me 23.0 nga 35 pikët e mundshme, ndjekur nga Komuna e Prizrenit me 20.0 pikë, Komuna e Suharekës 18.0 pikë, Komuna e Dragashit me 17.0 pikë, Komuna e Rahovecit me 16.0 pikë si dhe ajo e Mamushës me 7.0 pikë nga 35 pikët e mundshme – përfundoi Cahani.
Festina Kabashi tha se “ kahasuar me performancën e “Transparometrit Komunal” për periudhën janar-qershor 2015, vërehet se në periudhën e dytë kemi një rritje të performancës së komunave lidhur me transparencën bazuar në indikatorët vlerësues. Megjithatë, nga 44 indikatorët matës që përbëjnë këtë indeks, kryesisht në katër fusha thelbësore të qeverisjes lokale, asnjë komunë nuk del të jetë 100% transparente.
Kjo tregon që edhe komunat me performancën më të mirë në qeverisje duhet të punojnë më shumë për të bërë që të jenë plotësisht transparente, së paku në këto çështje thelbësore të qeverisjes që ky indeks i adreson”.Në kuadër të gjetjeve të analizës mbi transparencën e institucioneve lokale në komunat të cilat kanë qenë target në ketë hulumtim, KDI ka adresuar edhe një sërë rekomandimesh për ngritjen e nivelit të transparencës:të publikohen raportet gjashtë mujorë të punës së kryetarëve të komunave në ueb faqen e komunave; Kryetarët të raportojnë në baza gjashtë mujorë raportin e punës në Kuvendin e Komunës; të publikohen raportet nga konsultimet, takimet dhe dëgjimet gjatë procesit të draftimit të politikave lokale; të publikohen borxhet publike komunale në kuadër të raportimeve tre mujore financiare; të publikohen shpenzimet e ndërmarrjeve komunale dhe rajonale në ueb faqen e komunës; të publikohen planet e prokurimit për vitin fiskal në tërësi; të publikohen në ueb faqe njoftimet nga aktivitetet e zyrave të prokurimit; Kryetarët e Komunave të caktojnë një ditë për pranimin e qytetarëve në takim me qëllim të diskutimit të shqetësimeve të tyre; Komunat të bëjnë përpjekje në sigurimin e një linje telefonike pa pagesë për qytetarët e komunave përkatëse etj”, përfundoi Kabashi.