18.8 C
Prizren
E mërkurë, 22 Maj, 2024

Këkohen format për zvogëlimin e numrit të azilkërkuesve

Rexhepi-RoosemontMinistri i Punëve të Brendshme, Bajram Rexhepi priti në takim drejtorin e përgjithshëm të Zyrës së Emigracionit në Belgjikë, Freddy Roosemont dhe këshilltaren e kësaj zyre, Katy Verzelen. Në këtë takim u diskutua për rritjen e numrit të qytetarëve të Republikës së Kosovës, që paraqiten si azilkërkues në shtetin e Belgjikës.

Me këtë rast, u tha se bashkëpunimi në mes të dyja vendeve në çështjen e kthimit, në bazë të Marrëveshjes për ri-pranim është duke funksionuar në mënyrë të duhur. Megjithatë, ministri Rexhepi theksoi se është shqetësim real rritja e numrit të azilkërkuesve në Belgjikë.

”Është shqetësues numri i madh i atyre që janë të manipuluar qoftë nga krimi i organizuar ose nga agjencitë turistike. Çdonjëri që kërkon azil, e merr refuzimin dhe kthehet”, tha ministri Rexhepi, transmeton RTK.

Gjatë këtij takimi, të dyja palët u pajtuan që bashkërisht të kërkohen format për zvogëlimin e numrit të azilkërkuesve për në Belgjikë dhe të punohet në promovimin e migrimit legal-qarkor.

Drejtori i përgjithshëm të Zyrës së Emigracionit në Belgjikë, Freddy Roosemont, tha se Republika e Kosovës është në listën e vendeve të sigurta dhe me një procedurë shumë të përshpejtuar, brenda 15 ditësh, pothuajse të gjithë kërkuesit kthehen në vendet e tyre.

“Qeveria e Republikës së Kosovës dhe ajo e Belgjikës po punojnë në zvogëlimin e numrit të personave që vijnë në Belgjikë me një shpresë që nuk është reale”, tha Roosemont.

Të dyja palët u pajtuan në nevojën e informimit të opinionit mbi gjendjen reale të azilkërkuesve. Ministri Rexhepi shprehu falënderimin për mediat në punën e tyre në këtë drejtim. Në këtë takim u tha se për në shtetin e Belgjikës mund të udhëtohet vetëm duke gjetur format e migrimit legal.

Më Shumë

Në Trepçë nuk ndriçon Ylli

Trepça ka shënuar fitore ndaj Yllit në ndeshjen e tretë finale me shifrat 85-78. Çerekun e parë e dominoi Ylli me shifrat 21-11, teksa në...

Ballkani shkruan historinë, e fiton tri herë rresht titullin

Ballkani është shpallur kampion për herë të tretë rresht në Superligën e Kosovës në futboll. Ekipi i Ilir Dajës e ka mposhtur Llapin në “Zahir...

Lajmet e Fundit