Kryetari i Këshillit për Mbrojtjen e të Drejtave të Veteranëve të UÇK-së, Xhevdet Qeriqi ka paralajmëruar se Qeveria e re duhet ta ketë para vetës projektligjin për Veteranët e UÇK-së.
Sipas tij, nëse qeveritarët nuk mendojnë për miratimin e vijës buxhetore për vitin 2015, atëherë do t’i pret një sfidë dhe një përballje e fuqishme.
“Qeveria e re duhet ta ketë të qartë se para vetes në tavolinë e ka projektligjin për Veteranët e luftës të UÇK-së i cili pret zbatimin e tij. Prej janarit te vitit te ardhshëm, andaj vija buxhetore duhet te mendohet me miratimin e buxhetit për vitin 2015 sepse në rast se nuk mendojnë për këtë i pret një sfidë dhe një përballje e fuqishme. Asnjë sekondë nuk ka shtyrje ne këtë drejtim pas 1 janarit”, ka shkruar Qeriqi në Facebook.