Prokuroria Speciale e Kosovës ka kërkuar 30 ditë paraburgim për Ukë Rugovën dhe 9 të arrestuarit të tjerë.
Avokati Tomë Gashi i cili mbron të dyshuarit Izet Beqiri, ka thënë për lajmi.net se vendimi Prokurorisë ka ardhur duke marrë për bazë arsyetimin se ekziston rreziku i ikjes, i ndikimit në dëshmi dhe rreziku që t’i përsërisin veprat.
“Prokurori ka marrë këtë vendim duke marrë për bazë arsyetimin se ekziston rreziku i ikjes, i ndikimit në dëshmi dhe rreziku që t’i përsërisin veprat pasi, sipas tij, kanë vepruar si grup kriminal”.
Gashi ka thënë se për këtë do të vendosë gjyqtarja Ana Galant.
“Unë kam deklaruar se asnjë arsye nuk ekziston për paraburgim, sepse nuk do të ik as Ukë Rugova dhe as klienti im Izet Beqiri dhe as të tjerët dhe se nuk mund të ndikojë askush në provat që i ka siguruar prokurori me përgjimi telefonike si dhe gjatë bastisjes”.
Gjatë seancës e cila po vazhdon të mbahet ende në Kinemanë ABC1, deri më tash janë dëgjuar vetëm dy prej dhjetë të dyshuarve.
Kjo seancë pritet të zgjasë edhe më tej.