12 C
Prizren
E hënë, 17 Mars, 2025

Kjo është pasuria e kryetarit të ri të Prizrenit, Shaqir Totaj

Komuna e Prizrenit tashmë ka një kryetar të ri.

Shaqir Totaj, nga Partia Demokratike e Kosovës do ta drejtojë këtë komunë për një mandat.

Në bazë të të dhënave që Klankosova.tv ka gjetur në Agjencinë Anti-Korrupsion, Totaj ka mbajtur edhe pozita të tjera si atë të drejtorit regjional të Administratës Tatimore të Kosovës dhe atë të nënkryetarit të Federatës së Basketbollit të Kosovës.

Ai në deklarimin e pasurisë që ka bërë në vitin 2019-të, ka një pasuri të paluajtshme në vlerë prej 1 milion eurosh.

Totaj po ashtu në bazë të deklarimit të bërë në atë kohë ka thënë se posedon dy vetura një në emër të tij dhe një në emër të fëmijëve, të cilat i ka në vlerë prej 13 mijë eurosh.

Tashmë kryetari i ri i Prizrenit të hyra vjetore ka deklaruar se i ka 25 mijë euro nga qeraja dhe kishte marrë 10 mijë euro nga pagë nga ATK-ja derisa ai ishte në krye të këtij institucioni në Prizren.

Ai theksoi se ka të hyra vjetore 7 mijë e 200 euro në emër të fëmijëve të punësuar në Agjensionin “Republika”.

Shaqir Totaj ka deklaruar se gëzon një pension nga Qeveria e Kosovës në vlerë prej 1 mijë e 80 eurosh në vit.

Totaj ka thënë se punën në Federatën e Basketbollit e bën në mënyrë vullnetare, pra nuk gjeneron të hyra nga ky aktivitet.

Nuk dihet nëse ka të dhëna të tjera rreth pasurisë së kryetarit të ri të Prizrenit.

Deklarimin pranë AKK-së ai e ka bërë në vitin 2019-të.

Më Shumë

Egli Tako kthehet në Big Brother VIP

Në faqen zyrtare të Big Brother VIP është publikuar një video ku tregohet se Egli Tako do të jetë përsëri pjesë e këtij formati...

Nesbitt i Yllit shpallet MVP i javës

Jalen Nesbitt ka udhëhequr Golden Eagle Ylli drejt një fitoreje të rëndësishme ndaj Trepçës, duke u shpallur lojtari më i mirë i javës në...

Lajmet e Fundit