Qendra Rajonale e KMDLNJ-së në Prizren, akuzon KEDS-in se në mënyrë të paautorizuar po hyn nëpër shtëpia familjarë.
Koordinatori Bashkim Kajdomçaj thotë se KMDLNJ në vazhdimësi ka marrë ankesa nga qytetarë të ndryshëm, lidhur me ankesat karshi KEDS-it.
“Ditëve të fundit në Komunën e Prizrenin dhe rajonin e tij, janë shpeshtuar kontrollet e KEDS-it, në kërkim të keqpërdoruesve të mundshëm, të cilat KMDLNJ i ka përkrahur dhe do t’i përkrah edhe në të ardhmen”, tregon ai..
“Por, sjellja e punëtorëve (disa nga ta), me rastin e këtyre kontrollimeve në shtëpi, nuk përkon me normat elementare të të drejtave të njeriut. Jo rrallë, ka hyrje nëpër shtëpi (me rastin e kontrollimeve) ku ka vetëm të mitur dhe pa asnjërin prind apo të rritur, bëhen kontrollime. Kjo paraqet shqetësim, pos ndërhyrjes në privatësi, fëmijët mund të jenë të traumatizuar por dhe të abuzuar”.
“Në të tilla raste pos shkeljes, hyrjes në shtëpi e banesa, ku nuk ka të rritur, shkelje është edhe mos lënia e ndonjë procesverbali në këto kontrolle rutinë, për kontrollimin e bërë”.
“Në rastet e kontrolleve, bastisjeve të organeve të sigurisë, policia gjithmon tregon autorizimin, kurse KEDS-i shpërfill këtë normë”.
“Qendra Rajonale e KMDNJ-së, kërkon nga zyrtarët e KEDS-it që të evitojnë këto sjellje, që dëmtojnë imazhin e saj, sidomos kur kemi të bëjmë me të mitur”.
“Ndërkohë, KMDLNJ kërkon nga qytetarët që të kryejnë detyrimet ndaj KEDS-it, si dhe inkurajon qytetarët që për raste të tilla të njohtojnë KMDLNJ-në,si dhe të drejtohen organeve të shtetit, prokurorisë dhe policisë”./PrizrenPress.com/