Komuna e Malishevës e cila udhëhiqet nga Ragip Begaj i Nisma socialdemokrate, po e zbaton Ligjin për aftësim, riaftësim dhe punësim për personat me aftësi të kufizuara.
Në administratën e kësaj komune është punësuar një person me aftësi të veçanta. Arben Krasniqi, i cili lëvizë me karrocë është punësuar në administratën e komunës së Malishevës, shkruan Gazeta Monitor.
Ndryshe, në Kosovë nuk ka statistika se sa persona me aftësi të kufizuara punojnë në sektorin publik dhe as në atë privat. Institucionet në Kosovë megjithatë nuk kanë të dhëna të sakta rreth numrit të personave me nevoja të veçanta. Bazuar në parimet e Organizatës Botërore të Shëndetësisë, 10 deri në 15 për qind e popullatës në botë e përbëjnë personat me aftësi të kufizuara./ Gazeta Monitor
