Një 62-vjeçar është gjetur pa shenja jete nga familjarët, larg banesës së tij.
Sipas njoftimit të bërë nga policia mësohet se i moshuar është vetëvarur në një shtyllë, ndërsa nga këqyrja paraprake në trupin e viktimës nuk janë konstatuar shenja dhune.
Ngjarja ka ndodhur në fshatin Podgorie të Maliqit, rrethi i Korçës, ndërsa policia thotë se nga deklarimet e marra nga familjarët rezulton se ky shtetas vuante nga depresioni, ndërsa grupi hetimor po punon për zbardhjen e rrethanave.
“Më datë 28.12.2021, rreth orës 20:40, në fshatin Podgorie, Maliq, është gjetur nga familjarët, i vetëvarur në një shtyllë, larg banesës së tij, shtetasi R. Ç., rreth 62 vjeç. Nga këqyrja paraprake e trupit të viktimës, nuk janë konstatuar shenja dhune dhe nga deklarimet e marra familjarëve, rezulton se ky shtetas vuante nga depresioni”, thuhet në njoftimin e policisë. /tch/