15.8 C
Prizren
E premte, 31 Maj, 2024

Kosova mirëpret rezolutën e KS për Sirinë

MPJ Kosove-logoMinistria e Punëve të Jashtme e Republikës së Kosovës përkrah fuqishëm miratimin e Rezolutës 2118 të Këshillit të Sigurimit të OKB-së dhe i bashkohet përpjekjeve ndërkombëtare për shkatërrimin e armëve kimike të regjimit të Sirisë.

MPJ shpreh bindjen se Rezoluta e miratuar më 27 Shtator 2013, është bazament i fuqishëm obligues për të garantuar paqen dhe sigurinë ndërkombëtare e cila kanosej seriozisht nga regjimi i Al-Assad që nga 21 Gushti, me ç’rast u vranë mbi një mijë civil të pafajshëm në periferi të Damaskut, në sulmin më të madh të këtij lloji të shekullit XXI.

Republika e Kosovës në vazhdimësi ka kërkuar që Rezoluta e KS-OKB të jetë e bazuar në kapitullin VII të Kartës së OKB-së, dhe zbatimi i saj të i jetë i shpejtë dhe i plotë. Ky akt i përbashkët i KS-OKB, dërgon një mesazh të fortë që përdorimi i armëve kimike është kërcënim i paqes ndërkombëtare dhe sigurisë, dhe dëshmon se vullneti ndërkombëtarë për t’ju përgjigjur përdorimit të armëve kimike do të jetë i njëjtë në çdo vend dhe në çdo kohë.

Republika e Kosovës është e gatshme të jetë pjesë e përpjekjeve ndërkombëtare për të ndihmuar zbatimin e plotë të kësaj rezolute./PrizrenPress.com/

Më Shumë

Kërkesat e fundit për paraburgime të Prokurorisë në Prizren: Të arrestuarit dyshohen për vepra të ndryshme penale

Prokuroria Themelore në Prizren ka paraqitur një kërkesë për caktim të paraburgimit kundër një personi, dyshuar për veprat penale "Tentim vrasje", "Mbajtja në pronësi,...

Rrokulliset kamioni në rrugën Shtime – Prizren, dy të lënduarit dërgohen në QKUK

Dy persona janë lënduar si pasojë e një vetaksidenti në rrugën Shtime – Prizren, ku një kamion është rrokullisur. Lajmin e ka konfirmuar zëdhënësi i...

Lajmet e Fundit