Subjekti politik që do t’i ketë dy figurat kyçe të Partisë Demokratike të Kosovës, ish-ministrin e Transporteve, Fatmir Limaj, dhe kryeparlamentarin Jakup Krasniqi, do të themelohet të premten e kësaj jave.
Kështu ka deklaruar ish-sekretari i përgjithshëm i PDK-së, Jakup Krasniqi, i cili gjatë një bisede për Gazetën Blic ka bërë të ditur se partia më e re në vend nuk do të jetë “pronë” e një personi – liderit, por në të vendime do të marrin organet e saja.
Ai thotë se është i gatshëm të jap dorëheqje nga funksioni i të parit të Kuvendit, nëse këtë e kërkon, tashmë, ish-partia e tij, ndërsa heziton të tregojë emrin se si do të quhet subjekti i ri politik.
Blic: Së shpejti do të themelohet subjekti më i ri politik në vend. Si do të quhet?
Krasniqi: Ne sivjet do të kemi një subjekt të ri politik dhe kjo do të sqarohet me 28 shkurt në ora 17:00
Blic: Si do të quhet subjekti?
Krasniqi: Po e lëmë që atë ditë ta shpalosim krejt.
Blic: Atëherë a do të jetë iniciativë apo parti?
Krasniqi: As njëra as tjetra.
Blic: Tashmë dihet se përveç juve, në këtë subjekt politik do të jetë edhe Limaj. Cila do të jetë pozita juaj dhe cila e zotëri Limajt?
Krasniqi: Mendojë se edhe kjo do të sqarohet atë ditë, por qëllimi jonë është t’i ikim tipit të partive të individit. Qëllimi është që të formohet një parti që në organet e saj vendimmarrëse e ka rolin kryesor?
Blic: Jeni kryeparlamentar, dhe kjo iu bënë të keni informata të bollshme sa i përket zhvillimeve në Kuvendin e Kosovës. Sa është numri i deputetëve që do t’i bashkohen nismës së re politike?
Krasniqi: Do të jetë një numër i kufizuar, nuk jemi përcaktuar dhe nuk kemi kërkuar që të na bashkëngjiten deputetët. Kryesisht do të jetë një subjekt politik me fytyra të reja?
Blic: Ju do të jeni pjesë e një partie të re, ndërsa në krye të Kuvendit keni ardhur si pjesë e PDK-së. A do të jepni dorëheqje nga pozita e kryetrarit të Kuvendit?
Krasniqi: Realisht kjo nuk varet prej meje për shkak se Kuvendi tani më ka hyrë në muajt e fundit. Varet prej kërkesa që mund të vijë nga Partia Demokratike e cila edhe me Kushtetutë e ka të drejtën ta dojë kryetarin e Kuvendit nga radhët e veta. Nëse Partia Demokratike e Kosovës e kërkon një gjë të tillë unë jam i gatshëm.
Blic: Pra ju jeni i gatshëm të jepni dëroheqje nëse këtë e kërkon PDK-ja?
Krasniqi: Po. Si të zyrtarizohet kërkesa e Partisë Demokratike, unë s’kam asnjë arsye të jem në krye të Kuvendit. Por përsëri po them kjo varet nga Partia Demokratike.
Blic: Ju po themeloni një subjekt të ri politik dhe zgjedhjet do të mbahen disa muaj më pas. A besoni se keni infrastrukturë falë së cilës do t’i ruani votat nga keqpërdorimetngha të tjerët ?
Krasniqi: Tani është herët të flasim për atë. Ne dëshirojmë që vërtetë të gjitha subjektet politike në Kosovë të përgatiten për të pasur zgjedhje të drejta, të fshehta dhe të lira./Gazeta Blic/