Real Madrid-I fitoi për herë të 14-të Ligën e Kampionëve, duke e mposhtur të shtunën mbrëma Liverpool-in në finale me rezultat minimal 1:0.
Pas ndeshjes, gëzimi ishte i madh te lojtarët e Real-it, por për futbollistin, Toni Kross, disi festa u ndërprë për pak momente, pasi ai u ballafaqua në një shkëmbim fjalësh me një reporter.
Gazetari në fjalë nga mediumi gjerman, “ZDF” e pyeti Kroos-in nëse ishte i befasuar për dominimin e Liverpool-it në këtë ngjarje, pasi ata regjistruan 24 goditje në portë ndaj nëntë të madrilenëve.
Duket qartë se gjermani po acarohej dhe e humbi durimin ndërsa gazetari vazhdoi me të njëtat pyetje.
Kroos më pas i nervozuar kthehet duke i thënë: “Kishit 90 minuta për të menduar për pyetje të arsyeshme, sinqerisht. Tani më bëni dy pyetje të tilla m***”.
“Dy pyetje negative, mund të thuash menjëherë se je gjerman”, tha Kroos pas ndeshjes.
/Albanianpost.com