Kryetari i Komunës së Malishevës, Ekrem Kastrati, po qëndron në një vizitë zyrtare në Shtetet e Bashkuara, pjesë në ceremoninë zyrtare të “Lutjeve të Mëngjesit” në New York.
Gjatë qëndrimit, Kastrati, së bashku me Naser Nikën, Qytetar Nderi i Malishevës, zhvilloi një takim me anëtarin e Këshillit, David Carr, me të cilin u dakorduan për fillimin e procesit të binjakëzimit mes Komunës së Malishevës dhe Staten Island.
Kryetari Kastrati theksoi rëndësinë e mbështetjes që Shtetet e Bashkuara ofrojnë për popullin shqiptar dhe shprehu mirënjohjen për këtë mbështetje.
