Kryetari i Komunës së Suharekës, Bali Muharremaj, të hënën ka vizituar fshatin Budakovë me banorët e të cilit lokalitet ka diskutuar gatishmërinë për përballjen me reshjet e borës, përkatësisht vështirësitë që krijohen nga bllokimi i rrugëve.
Në njoftimin e Komunës së Suharekës është bërë e ditur se Budakova është fshati më malor i kësaj komune dhe se shpesh banorët e kësaj ane gjatë stinës së dimrit janë ballafaquar me reshje dhe me vështirësi kalimi.
Sipas ZI-së, gjatë qëndrimit në Budakovë, kryetari Muharremaj ka vizituar edhe SHFMU “Lidhja e Prizrenit”. “Ai ka biseduar me drejtorin e shkollës, Hajrush Bajraktari, për kushtet, të cilat i ka kjo shkollë dhe pastaj ka bashkëbiseduar edhe me nxënës dhe mësimdhënës të kësaj shkolle”, thuhet në komunikatë..