19.8 C
Prizren
E shtunë, 1 Tetor, 2022

Kryeziu: Isa, alternativa më e mirë që ka LDK-ja

EqremKryeziu-ldkAnëtari i Kryesisë së Lidhjes Demokratike të Kosovës, Eqrem Kryeziu, ka deklaruar se nominimi i Isa Mustafës për kryeministër të Kosovës është alternativa më e mirë e kësaj partie. Sipas tij, për momentin në LDK nuk ka ndonjë emër i cili e përfaqëson partinë dhe interesat e saj më mirë.

Ai duke e komentuar votën kundër të ish kryetarit të LDK-së, Fatmir Sejdiu, për kandidaturën e Isa Mustafës për kryeministër, ka theksuar se kjo tregon më së miri se në LDK ka demokraci të brendshme.

“Nuk ka kuptim që të gjithë të votonin pro, duhet të dal dikush i cili voton kundër, a nuk është kjo demokraci. Mirëpo, unë nuk e di nëse vota e Sejdiut kundër këtij nominimi ka arsye tjera, sepse unë nuk e di se çka mendojnë njerëzit, nuk kam aftësi t’i zbuloj mendimet e tyre”, ka thënë Kryeziu për Telegrafin.

Fatmir Sejdiu, ish kryetar i LDK-së dhe ish president i Kosovës, nuk votoi që kandidat për kryeministër të jetë Mustafa. Sipas Sejdiut, LDK-ja ka njerëz më të mirë që mund të kandidojnë për kryeministër, në zgjedhjet e përgjithshme.

Më Shumë

Haradinaj: Ndale grevën ose jep dorëheqje Albin Kurti, boll ma!

Kryetari i AAK-së, Ramush Haradinaj, i ka kërkuar kryeministrit të Kosovës, Albin Kurti të bëjë zgjidhje për grevën në arsim, ose të jap dorëheqje. Haradinaj...

Kryeministri Kurti udhëton për në Japoni

Kryeministri i Republikës së Kosovës, Albin Kurti, ka udhëtuar për në Japoni për të marrë pjesë në ceremoninë shtetërore të varrimit të ish-kryeministrit të...

Lajmet e Fundit