Katër nëpunësit e suspenduar muaj më parë nga Komuna e Suharekës, të dyshuar për keqpërdorim të detyrës dhe falsifikim të dokumetave zyrtar, janë kthyer në punë me aktvendim nga Gjykata Themelore në Prizren – Departamenti për Krime të Rënda.
TherandaPost ka siguruar aktvendimet për kthimin e tyre në punë.
Kryetari Komunës së Suharekës Sali Asllnaj pat suspenduar me pagesë katër zyrtarë komunal. Suspendimi I tyre është bërë për shkak se kanë problem me ligjin. Punëtorët e suspenduar janë: Bujar Kuçi (Shef i Zyrës së Prokurimit), Agim Bylykbashi ( Shef i sektorit të financave), Avni Tafolli (Zyrtar i lartë financiar në Drejtorinë e Arsimit) dhe Ramadan Kuçi (Shef i shërbimeve të përbashkëta).