17.8 C
Prizren
E premte, 30 Shtator, 2022

Ku janë fotot me Obamën?

Thaci7-03Zyra e Kryeministrit Hashim Thaçi kishte paralajmëruar të hënën se kryeministri i Kosovës do të takohej të martën me Presidentin e Shteteve të Bashkuara të Amerikës, Barack Obama, në kuadër të pritjes zyrtare që u bënë Shtëpia e Bardhë udhëheqësve të shteteve të botës. Njoftimi ishte lëshuar më 23 shtator bashkë me paralajmërimin se Kryeministri ka ftesë zyrtare nga Obama.

“Kryeministri i Republikës së Kosovës, Hashim Thaçi në kuadër të vizitës së tij në Nju Jork, sot merr pjesë në pritjen e organizuar nga Presidenti Obama dhe zonja e parë e Shteteve të Bashkuara të Amerikës. Pritja vjetore organizohet nga Presidenti Obama dhe zonja e pare çdo vit, dhe këtë vit organizohet me rastin e sesionit vjetor të 68-tin me radhë të Asamblesë së Përgjithshme të Kombeve te Bashkuara”, ishte thënë në njoftimin e Zyrës së Kryeministrit.

Megjithëkëtë, ky ka mbetur vetëm një njoftim. Askush nga Zyra e Kryeministrit Thaçi s’ka njoftuar për takimin e mbajtur mes Thaçit dhe Obames. As fotot s’janë parë askund, shkruan express.

Presidenti Obama ka marrë edhe mandatin e dytë në krye të Shtëpisë së Bardh, por ende s’është takuar me Kryeministrin e Kosovës.

Thaçi deri më tash ka arritur të takohet vetëm me Zëvendësin e Obamës, Josph Biden dhe ish-Sekretaren Hillary Clinton.

Ndërkohë, mediat në Serbi kanë raportuar se Presidenti serb, Tomislav Nikolic ka takuar Presidentin amerikan Barack Obama dhe kanë folur për bashkëpunimin ndërmjet dy shteteve.

Sipas agjencisë Tanjug, Obama i ka dhënë përkrahje politikës aktuale të Beogradit.

Obama ka pritur liderët e vendeve të ndryshme të botës, të cilët po marrin pjesë në Sesionin e 68 të Asamblesë së Përgjithshme të OKB’së.

Pavarësisht kësaj, delegacioni i Kosovës gjatë ditës së martë është takuar me ish-Presidentin amerikan Bill Clinton.

Kryeministri Thaçi, Ministri i Jashtëm Hoxhaj dhe Kryeministri i Shqipërisë, Edi Rama kanë dal në foto me Clitnonin dhe kanë marrë pjesë në Konferencën “Clinton Global Initiative”.

Më Shumë

Arrestohet personi i kërkuar në “Bajram Curr” të Prizrenit

Një person i kërkuar është arrestuar në lagjen “Bajram Curri” në Prizren. Arrestimi i tij është bërë me urdhër ë gjykatës. “Në bazë të urdhëresës së...

MF pasnesër do të ekzekutojë pagesat për këtë kategori

Ministria e Financave, Punës dhe Transfereve ua rikujton të gjithë përfituesve ndryshimin e datave të pagesave. Me datë 20 janë ekzekutuar pensionet e veteranëve dhe...

Lajmet e Fundit