22.5 C
Prizren
E martë, 16 Shtator, 2025

Kurt Zouma paraqitet në gjykatë, e pranon fajin për shkelmimin e maces së tij

Mbrojtësi i West Hamit, Kurt Zouma është deklaruar fajtor për shkelmimin dhe shuplakën që ia kishte dhënë maces së tij.

Përfaqësuesi francez u deklarua fajtor për dy pika në Gjykatë sot në mëngjes, njoftojnë mediat britanike.

27 vjeçari u detyrua të kërkonte falje pas pamjeve tronditëse që u filmuan dhe u shpërndanë nga vëllai i tij më i vogël, Yoan, 24 vjeç, duke pranuar se kishte bërë shkelje.

Mbrojtësi i “Hammers” arriti në gjykatë i shoqëruar nga disa pjesëtarë të sigurisë, të cilët e përcollën me çadra mbrojtëse derisa doli nga vetura e deri në dyert e objektit, ndërsa interesimi i mediave që po e prisnin ishte i madh.

Si rezultat i këtij incidenti, Zouma ishte gjobitur me afro 300 mijë euro nga klubi i tij dhe dy macet e tij i janë marrë.

Gjithashtu, edhe sponsorizimi i pasur me kompaninë Adidas iu ndërpre.

Zouma ndërkohë ka vazhduar të luajë për West Hamit përkundër incidentit dhe hetimeve që kishin nisur ndaj tij, shkruan “Gazeta Express”.

Vëllai i tij, Yoan ishte suspenduar përkohësisht nga Dagenham & Redbridge para se të lejohej të rikthehej në skuadër në muajin mars.

Zouma pritet të dënohet dhe të gjobitet për abuzimin ndaj kafshës, në këtë rast maces së tij. /Gazeta Express/

Më Shumë

Tentativë vjedhjeje në një bankomat në Rahovec, autorët ende ta paidentifikuar

Një tentativë për vjedhjen e një bankomati në fshatin Xërxë të Rahovecit ka ndodhur në orët e para të mëngjesit të ditës së sotme. Sipas...

Kurti në Prizren: Me Abrashin kryetar, qyteti punon 365 ditë në vit

Kryeministri në detyrë i Kosovës, Albin Kurti, ka qëndruar sot në Prizren për të mbështetur kandidatin e Lëvizjes Vetëvendosje për kryetar të Komunës, Artan...

Lajmet e Fundit