22.8 C
Prizren
E shtunë, 15 Qershor, 2024

Kurti informon deputeten gjermane për kushtet e VV-së në përkrahje të Qeverisë Haradinaj

kurti me gjermanetKrerët e Lëvizjes Vetëvendosje, kanë pritur sot në një takim deputeten e Bundestagut, Marieluise Beck, njëherësh edhe anëtare e Komitetit për Punë të Jashtme dhe zv/ambasadorin e Gjermanisë në Prishtinë, Matthias Kiesler, ku është biseduar për zhvillimet e fundit politike në Kosovë.
Diplomatët gjermanë janë pritur nga kryetari i Vetëvendosjes, Albin Kurti, Puhie Demaku, anëtare e kryesisë dhe Sekretare për marrëdhënie me jashtë, si dhe Visar Ymeri, anëtar i kryesisë.

Në takim u diskutuan zhvillimet e fundit politike pas zgjedhjeve të përgjithshme në Kosovë, me theks të veçantë në krijimin e qeverisë së re.

Krerët e Lëvizjes Vetëvendosje shpjeguan rrjedhën e ngjarjeve prej ditës së hënë kur Lëvizja nisi kontaktet dhe takimet për ta bllokuar krijimin e Qeverisë të udhëhequr nga kryetari i PDK-së Hashim Thaçi.

Në këtë takim u diskutua edhe për qëndrimin e Lëvizjes Vetëvendosje dhe plotësimin e kritereve që do ta diktonin përkrahjen ose jo të saj ndaj Qeverisë së re.

Kryetari i Lëvizjes Albin Kurti ua shpjegoi dy kriteret themelore që Lëvizja i ka si përcaktuese për përkrahjen e Qeverisë së re e që janë pezullimi i dialogut me Serbinë dhe zbatimit të marrëveshjeve të deritashme, dhe pezullimi i privatizimit të ndërmarrjeve publike të Kosovës.

Më Shumë

Limaj merr pjesë në inaugurimin e “Kalasë së UÇK-së” në Prizren

Fatmir Limaj, kryetari i Nismës Socialdemokrate, mori pjesë në inaugurimin e kompleksit "Kalaja e UÇK-së" në Arbëri të Vërrinit në Prizren. Në këtë ceremoni...

Pandeli Majko shpallet ‘Qytetar Nderi’ i Rahovecit

Rahoveci  ka kremtuar Ditën e Çlirimit. Në këtë ditë kremte, ish-kryeministri i Shqipërisë, Pandeli Majko, është shpallur "Qytetar Nderi" i Rahovecit dhe është vlerësuar...

Lajmet e Fundit