36.8 C
Prizren
E premte, 19 Gusht, 2022

Kurti: Në Kosovë jetohet keq – qeveritë para nesh kishin prioritet pasurimin korruptiv

Kryetari i Lëvizjes Vetëvendosje, Albin Kurti, ka thënë se janë shqetësuese të gjeturat sociale sipas anketës të publikuar së fundi nga Agjencia e Statistikave të Kosovës (ASK).

Sipas tij, Qeveritë para e mëhershme kishin prioritet pasurimin korruptiv për vete dhe liberalizimin e vizave për qytetarët.

“Kemi mungesë të rrjetës sociale që siguron familjet në nevojë dhe kemi tepri të pandemisë që ka dalë nga kontrolli institucional”.

“Nevojitet model i ri ekonomik i përqendruar te punësimi dhe mjedisi e i mbrojtur nga drejtësia dhe qeverisja e mirë. Pas zgjedhjeve të reja, nis zgjidhja e këtillë. Mbase zgjedhjet po orvaten t’i vonojnë ca, pikërisht pse të gjitha subjektet ua dinë rezultatin atyre”.

Më poshtë mund ta lexoni shkrimin e plotë të tij në Facebook:

Mjerimi si shifër e shtetit

Në Kosovë jetohet keq. Janë shqetësuese të gjeturat sociale sipas anketës të publikuar së fundi nga Agjencia e Statistikave të Kosovës (ASK). Rezultatet janë për të ardhurat dhe kushtet e jetesës në Kosovë në vitin 2018. E gjendja mund të jetë veçse e përkeqësuar që prej atëherë.

– Për 53.4% e ekonomive familjare janë barrë e rëndë shpenzimet për strehim dhe banim;
– Më shumë se çdo e pesta familje ka probleme me kulm apo çati që rrjedh, mure, dysheme, themele të lagështa, kornizat e dritareve dhe dysheme të kalbur;
– 69.5% nuk mund ta përballojnë një javë pushimi larg shtëpisë;
– 61.3% nuk mund ta përballojnë shujtën me mish, pulë dhe peshk çdo të dytën ditë;
– 47.3% nuk mund ta përballojnë një shpenzim të papritur prej 100 euro;
– 35.4% nuk kanë kompjuter;
– 40.2% nuk janë në gjendje të përballojnë mbajtjen e shtëpisë të ngrohtë në mënyrë adekuate;
– 61.3% e kanë barrë të rëndë kthimin e kredisë;
– 78.3% kanë vështirësi në kryerjen e pagesave të nevojshme marrë parasysh të ardhurat totale;
– Më shumë se çdo e pesta familje në zonat urbane ka probleme me ndotje, papastërti dhe probleme të tjera mjedisore si: tymi, pluhuri, erëra të pakëndshme ose ujë të ndotur.

Mjerimi social nuk është fatkeqësi natyrore. Qeveritë para nesh kishin prioritet pasurimin korruptiv për vete dhe liberalizimin e vizave për qytetarët. Qeveria sot është kot.

Kemi mungesë të rrjetës sociale që siguron familjet në nevojë dhe kemi tepri të pandemisë që ka dalur nga kontrolli institucional.

Nevojitet model i ri ekonomik i përqendruar te punësimi dhe mjedisi e i mbrojtur nga drejtësia dhe qeverisja e mirë. Pas zgjedhjeve të reja, nis zgjidhja e këtillë. Mbase zgjedhjet po orvaten t’i vonojnë ca, pikërisht pse të gjitha subjektet ua dinë rezultatin atyre.

k

Më Shumë

Suharekasi i dehur, me armë në dorë kërcënon anëtarët e familjes – motra thërret policinë për ndihmë

Përdorimi i alkoolit po u shkakton telashe të mëdha të rinjve kosovarë, të cilët shpesh humbin kontrollin mbi veprimet e tyre, duke u bërë...

Ngordhin peshqit në një pishinë në Vërmicë – policia nis hetimet

Një person nga Vërmica e Prizrenit ka njoftuar policinë se në pishinën e tij kanë ngordhur peshqit, shkruan PrizrenPress Lidhur me rastin përveç njësive të...

Lajmet e Fundit