19.8 C
Prizren
E enjte, 20 Qershor, 2024

Kush e thërret mbledhjen e Kuvendit të Kosovës?

Kuvendi i Kosoves 7Pas vendimit ë fundit të Gjykatës Kushtetuese të Kosovës më të cilin u pezullua ushtrimi i detyrës së kryetarit të Kuvendit dhe i Kryesisë së Kuvendit, një gjendje “anarkie” mbretëron në Kuvendin e Kosovës.

Në fakt, sipas letërkëmbimit të Gjykatës Kushtetuese, “shefi” i Kuvendit të Kosovës është Ismet Krasniqi, sekretar i përhershëm i Kuvendit të Kosovës.

Kjo për faktin se Gjykata i është drejtuar Ismet Krasniqit për bashkëpunim me këtë Gjykatë duke anashkaluar kryetarin dhe kryesinë e zgjedhur të Kuvendit më 17 shkurt.

Por gjykata me këtë vendim në mënyrë të tërthortë ka shfuqizuar edhe Kryesinë e vjetër të Kuvendit të Kosovës.

Me këtë ka përfunduar edhe mundësia e mbledhjes së Kryesisë së vjetër dhe përcaktimi i datës së mbledhjes së Kryesisë dhe rendi i ditë së seancës së Kuvendit.

Nëse Gjykata e kthen gjendjen në pikën zero atëherë mbetet që datën e seancës së re ta caktojë Presidentja e vendit, siç ka vepruar herën e parë.

Ismet Krasniqi ,sekretar i Kuvendit të Kosovës, i kontaktuar nga “Botapress”, ka thënë se pa marrë një vendim tjetër të Kuvendit të Kosovës nuk mund të merret asnjë veprim tjetër për konstituimin apo vazhdimin e seancës së Kuvendit të Kosovës.

Edhe Selatin Kllokoqi nga organizata D4D tha se është një situatë e re e krijuar nga vendimi i Gjykatës Kushtetuese.

“Ndoshta deputeti më i vjetër, ndoshta kryesia e vjetër apo edhe Presidentja. Krejt varet se çfarë përmbajtje do të ketë vendimi tjetër i Gjykatës Kushtetuese”, tha Kllokoqi për “Botapress”.

Situata e krijuar pas vendimit të Gjykatës Kushtetuese vazhdon të mbetet e paqartë.

Mbase qartësia e kësaj situate do të bëhet e ditur deri në vendimin tjetër. Shpresojmë se ky vendim “sqarues” do të bëhet i ditur para datës 18 shtator, siç ka bërë të ditur Gjykata Kushtetuese në vendimin e saj të fundit për vendosjen e masave të përkohshme në Kuvendin e Kosovës.

Më Shumë

Lajmet e Fundit