Një ngjarje e rëndë ka ndodhur në komunën e Rahovecit.
Prokuroria Themelore në Gjakovë njofton se sot në orët e para të mëngjesit në fshatin Qifllak të Komunës së Rahovecit është gjetur një trup i pajetë.
“Në orët e para të mëngjesit pikërisht rreth orës 06:00, në fshatin Qifllak, Komuna e Rahovecit, është gjetur një trup i pa jetë, i cili dyshohet se është privuar nga jeta me armë zjarri”, ka njoftuar Prokuroria.
Trupi i viktimës është gjetur në oborrin e shtëpisë.
Indeksonline mëson se viktima është Naser Murselaj, 32 vjeçar.
Prokurori ka dalë në vendin e ngjarjes, dhe me urdhër të tij, trupi i 32-vjeçarit është dërguar për autopsi në Institutin e Mjekësisë Ligjore.
