20.8 C
Prizren
E hënë, 15 Shtator, 2025

LA Lakers është kampion i ri në NBA, fitojnë titullin e 17-të në histori

Los Angeles Lakers është kampioni i ri në elitën e basketbollit amerikan NBA.

Skuadra nga Los Angeles kanë fituar titullin e 17-të në histori të klubit, pasi kanë mposhtur pas gjashtë ndeshjeve Miami Heat me 4-2.

Në ndeshjen e gjashtë finale, Lakers triumfuan me 13 pikë diferencë 106:103.

Që nga fillimi i ndeshjes Lakers ishin më të mirë, teksa çerekun e parë e fituan me tetë pikë diferencë 20:28.

Edhe në çerekun e dytë vazhdoi dominimi nga Lakers që e fituan me 20 pikë epërsi 16:36 ndërsa shkuan në pushim pas dy pjesëve me 36:64.

Të udhëhequr nga LeBron James, Lakers fituan edhe çerekun e tretë, teksa në të katërtin më të mirë ishin Heat.

LeBron James ishte i jashtëzakonshëm në këtë sfidë duke e mbyllur atë me ‘Triple-Double’, ku realizoi 28 pikë, bëri 14 kërcime dhe 10 asistime.

Me lojë të mirë u dalluan edhe Rajon Rondo dhe Anthony Davis që shtuan nga 19 pikë.

Ndërkohë me pikë dyshifrore ndeshjen e gjashtë finale e mbyllën edhe Caldwell-Pope dhe Danny Green.

Tek Heat më efikasi në këtë takim ishte qendra Bam Adebayo me 25 pikë e 10 kërcime, por që nuk mjaftuan për fitore.

Për Lakers ky ishte titulli i 17-të në histori të klubit, teksa tani janë barazuar me Boston Celtics që kanë numër të njëjtë të titujve të fituar.

Më Shumë

20-shi i LDK-së, Dr. Fejzë Kabashi, premton rikthimin e shërbimeve të shuara stomatologjike në Prizren

Kandidati i LDK-së për Kuvendin Komunal të Prizrenit, Dr. Fejzë Kabashi, ka vënë në qendër të fushatës së tij angazhimin për rikthimin e shërbimeve...

Tentativë vjedhjeje në një bankomat në Rahovec, autorët ende ta paidentifikuar

Një tentativë për vjedhjen e një bankomati në fshatin Xërxë të Rahovecit ka ndodhur në orët e para të mëngjesit të ditës së sotme. Sipas...

Lajmet e Fundit